full screen background image
South-Africa-Church-January-2014-BellaNaija-02

JE UNATAKA KUWA MCHUNGAJI TAJIRI NA MAARUFU?

images

 

 

Kuanzisha Kanisa inalipa sana siku hizi. Hebu angalia mwenyewe jinsi utajiri unavyowafuata watu walio na makanisa. Najua utaniuliza nifanye nini ili nami nijulikane kama mtumishi wa Mungu? Kuna vitu lazima utayarishe hapa nakupa siri ya nini cha kufanya ili nawe siku moja uwe na mjengo wa nguvu, gari la nguvu na mabodigadi wa kukulinda hata ukienda sokoni japo unawambia waumini wako kuwa watalindwa na Mungu

  1. Kwanza inatakiwa uwe na stori kabambe kuwa ulikuwa mtu wa dhambi sana. Waumini wanapenda kusikia ulikuwa mshirikina, jambazi, muasherati, mlevi halafu ukaitwa na Mungu. Usije kusema ulikamatwa na polisi, hiyo iyakupunguzia sifa, sema uliisikia sauti ukaitwa na Mungu, umeelewa. Usisahau kusema uliitwa na Mungu
  2. Tafuta mtaji ununue spika hizi za kushika mkononi. Kisha anza kuhubiri mtaani. Alfajiri wewe tayari unaanza kuamsha watu kisha unahamia sokoni na mahala pengine penye watu wengi na kispika chako, hata kama hakisikiki unasema nini wewe twanga tu hakikisha jasho jingi linakutoka. Hii inasaidia kuanza kupata ujasiri unaohitajika ukisha kuwa mchungaji kamili.
  3. Halafu jipandishe cheo anza kuhubiri kwenye mabasi, anza na daladala kisha mabasi ya mkoani, hawa wasafiri wa kwenda mbali huwa wana hela na wana wasiwasi wa kufika salama, waambie waanze kutoa sadaka ili kupata ulinzi wa Mungu haraka sana wanatoa.
  4. Sasa tafuta jina zuri la Kanisa lako hasa liwe la Kiingereza, hii inawachanganya waumini kujua kuwa kweli uliteuliwa. Hata kama maana ya jina wewe mwenyewe hujui, wewe twende kwanza. Jina liwe lina mvuto kwa mfano-First International Church of Later Saints of Africa Tanzania Branch Iringa. Waumini wataishia kusema tu Kanisa la Fest intaneshno
  5. Tafuta kundi la watu wa karibu wawe ndio watu wako wa kwanza kwenye kanisa lako, hawa wawakaribishe wenzao kwenye kanisa lako, anza na ndugu na marafiki na majirani
  6. Jifunze kuongea kwa ‘lugha’ Ashakaororoko shakrikoko na kadhalika, fanya mazoezi mwenyewe usiku.Fuatilia sana vipindi vya wakongwe kwenye TV ujifunze mbinu mbalimbali.
  7. Anza kuuza vitu vilivyoguswa na upako wako. T shti zenye upako, sabuni zenye upako, pafyum zenye upako , we uza kila kitu, wambie kina upako wako, weka picha yako kwenye ti sheti, uza picha zako. Fanya biashara ya ukweli.
  8. Anza kupata maono, anza kuwaambia waumini wako maono juu yao na jinsi watakavyotajirika wakisaidia kanisa lao. Toa mifano ya wale uliowahi kuwa na maono wakatajirika
  9. Anza kuponya watu. Sasa hapa huna haja ya kuwa na cheti cha udaktari. We tafuta jamaa wawili watatu wape mkwanja mzuri waje wadai wanaumwa au washike kichwani wengine wapone hapo hapo wengine warudi wiki inayofuata wakiwa wamepona,,,,sasa bwana tukumbukane mkwanja ukikubali
  10. Tengeneza kamati ya kanisa ila hakikisha haki zote zinabaki kwako, akaunti za benki na mali zote jina lako
  11. Kwenye mahubiri yako ongelea kupata utajiri, na kupona , usiongelee ishu za kuwa msafi wa roho, utajisuta mwenyewe, hizo achia wenye upako wa kweli

TAG


One thought on “JE UNATAKA KUWA MCHUNGAJI TAJIRI NA MAARUFU?

Leave a Reply

Facebook Auto Publish Powered By : XYZScripts.com
%d bloggers like this: